Во соопштение, претставниците на ентитетот наведоа дека клучните одлуки што се однесуваат на Босна и Херцеговина треба да се носат преку дијалог меѓу домашните политички актери и институциите на сите нивоа на власт. Тие посочија дека одговорноста за иднината на земјата треба да биде кај демократски избраните претставници, а не кај надворешни авторитети, вклучувајќи ја и Канцеларијата на високиот претставник (OHR).
Во соопштението понатаму се тврди дека уставниот поредок на Босна и Херцеговина низ годините бил нарушен преку одлуки наметнати од неизбрани меѓународни функционери, со повик за враќање кон принципите на уставност и владеење на правото. Според официјалните претставници, таквите практики треба да се прекинат, а нивните долгорочни последици повторно да се проценат.
